Monday 23 January 2012

chashm-e-mayaguu.N zaraa idhar kar de

chashm-e-mayaguu.N zaraa idhar kar de
dast-e-kudarat ko be-asar kar de

tez hai aaj dard-e-dil saaqii
talKhi-e-may ko tez-tar kar de

josh-e-vahashat hai tishnaakaam abhii
chaak-e-daaman ko taazagaar kar de

merii qismat se khelane vaale
mujh ko qismat se beKhabar kar de

luT rahii hai merii mataa-e-niyaaz
kaash! vo is taraf nazar kar de

'Faiz' takmiil-e-aarazuu maaluum
ho sake to yuu.N hii basar kar de

0 comments:

Post a Comment