Urdu Poetry Lovers

Terey Ekhlaass Say Mohabbat Ki Hai
Terey Ehssaas Say Mohabbat Ki Hai

Tu Merey Pass Nahin Hai Phir Bhi
Teri Yaad Say Mohabbat Ki Hai

Kabhi Tu Nay Bhi Mujhay Yaad Kya Ho Ga
Main Nay Un Lamhaat Say Mohabbat Ki Hai

Jin Main Ho Sirf Teri Aur Meri Baatain
Main Nay Un Auqaat Say Mohabbat Ki Hai

Aur Jo Mahekay Ho Sirf Teri Hi Mohabbat Say
Main Nay Un Jazbaat Say Mohabaat Ki Hai

Tujh Say Milna Tu Ab Khuwaab Sa Lagta Hai ???
Mohsin Nay Terey Intezaar Say Mohabbat Ki Hai

rukne k samay guzar gaya hai
jana tera ab thahar gaya hai

rukhsat ki ghari khari hai sar par
dil koi do-nim kar gaya hai

matam ki faza hai shahar-e-dil main
mujh main koi shakhs mar gaya hai

bujhne ko hai phir se chashm-e-nargis
phir khwab-e-saba bikhar gaya hai

bas ik nigah ki thi us ne
sara chehara nikhar gaya hai

ko’ii mujhko meraa bharpuur saraapaa laa de
mere baazuu merii aaNkheN meraa chehraa laa de

aisaa dariyaa jo kisii aur samandar meN gire
is se behtar hai ke mujhko meraa sehraa laa de

nayaa mausam merii biinaa’ii ko tasliim nahiiN
merii aaNkhoN ko vohii Khvaab puraanaa laa de

kuch nahiiN chaahiye tujhse merii umr-e-ravaaN
meraa bachpan mere jugnuu merii guRiyaa laa de

kashtii-e-jaaN to bhanvar meN hai ka’ii barsoN se
ai Khudaa ab to Dubo de yaa kinaaraa laa de

Main Ab Ronay Say Darti Hun Judaa Honay Say Darti Hun,
Mere Aankhen Batati Hain Kay Main Sonay Say Darti Hun.

Mera Haath Pakar Lyna Mujhe Tanha Nahi Karna,
Ye Duniya Ek Mela Hai Tumhen Khonay Say Darti Hun.

Jab Hansti Hun To Kyun Palkon Kay Konay Bheeg Jaatay Hain,
Tumhen Maloom Hai Main Is Tarha Ronay Say Darti Hun.

Jab Say Khuwab Dykha Hai Tum Mujhe Chhor Jao Gay..!
Main Ab Khuwabon Say Darti Hun Main Ab Sonay Say Darti Hun...!~

Us-Ki Aankhon Main Muhabbat Ka Sitaara Ho Ga,
Aik Din Aaye Ga Wo Shakhs Humaara Ho Ga.

Tum Jahan Meray Liye Seepiyan Chunti Hogi,
Wo Kisi Aur Hi Duniya Ka Kinaara Hoga,

Zindagi Ab Kay Mera Naam Shamil Na Karna,
Gar Ye Ta'y Hai Kay Yahi Khail Dubaara Ho Ga.

Jis Kay Honay Say Mere Saans Chala Karti Hai,
Kis Tarha Us-Kay Baghair Apna Guzaara Ho Ga.

Ye Achanak Jo Ujala Sa Huwa Jaata Hai,
DiL Nay Chupkay Say Tera Naam Pukaara Ho Ga.

Ishq Karta Hai To Din Raat Usay Sochna Hai,
Aur Kuch Zehan Main Aaya To Khasaara Ho Ga.

Ye Jo Paani Main Chala Aaya Hai Sunehri Sa Garoor,
Us-Nay Dariya Main Kahen Paun Utaara Ho Ga.

Kon Rota Hai Yahan Raat Kay Sannaton Main,
Meray Jaisa Hi Koi Hijr Ka Maara Ho Ga.

Mujh Ko Maloom Hai Jun-Hi Main Qadam Rakhun-Ga,
Zindagi Tera Koi Aur Kinaara Ho Ga.

Jo Mere Rooh Main Badal Say Garajtay Hain,
Us-Nay Seenay Main Koi Dard Utaara Ho Ga.

Kaam Mushkil Hai Magar Jeet Hi Lun-Ga Us-Ko..!
Meray Moula Ka Jun-Hi Ishaara Ho Ga...!~

Jate Jate Jo Us Ne Ek Baar Kaha
"Phir MiLain Ge HUM"

Najane Mere DiL Ko Aesa Q Lga
"Shayad Phir Rahain Na HUM"

Tab Us Ki Aankhon Mein Nami C Thi

Wafaon Ki Shayad Kami C Thi

... Aawaz Mein Jahan ThrTharahat C Thi

Wahin Honton Pr Us K Muskurahat C Thi

Hathon Mein Us K Kapkapahat C Thi

Pairon Mein Us K Larhkarhahat C Thi

Us Ka Jana Shayad Zaroori Bohat Tha

Is Liye To Keh Diya

Phir MiLain Ge HUM

Ye Bhi Na Socha
Bin Us K

Kese Rahain Ge HUM !

Kabhi Tairi Rafaaqat Sey Nikalna Hi Nahin Mumkin
Kabhi Daaman Chura Laina Bohat Asaan Lagta Hey

Kabhi Tum Rothtey Ho To Ajab Mushkil C Parti Hey,
Kabhi Tujhko Mana Laina Bohat Asaan Lagta Hey
...
Kabhi Samjha Karo Kuch Faisley Halaat Kartey Hain,
Kabhi Waaday Nibha Laina Bohat Asaan Lagta Hey

Kabhi Kuch Din Tumharey Bin Guzertey Hi Nahin Laikin
Kabhi Muddat Bita Daina Bohat Asaan Lagta Hey

Subah Hote Hi Tere Shehr Se Jana Hai Mujh Ko",

"Aaj Ki Raat Zra Mujh Ko Mana Kar Sona",

"Agar Ho Sake To Lota De Mujh Ko Meri Hansi",
...
"Ya Saari Raat Mujh Ko Rula Kar Sona",

"Dia Yaad Ka Koi Bujh Na Jaye Kahiin",

"Koi Shama Piyar Ki Jala Kar Sona",

"Me Nahi Kehti Tu Reh Umar Bhar sath Mere",

"Bas Aaj Ki Raat Apna Bana Kar Sona",

"Umar Bhar Rahon Gi Tere Qadmon Me"

"Bas Aaj Ki Raat Tum Seene Se Laga Kar Sona"......

آنکھوں سے اک خواب گزرنے والا ہے
کھڑکی سے مہتاب گزرنے والا ہے
صدیوں کے ان خواب گزیدہ شہروں سے
مہرِ عالم تاب گزرنے والا ہے
جادو گر کی قید میں تھے جب شہزادے
قصے کا وہ باب گزرنے والا ہے
ق
سناٹے کی دہشت بڑھتی جاتی ہے
بستی سے سیلاب گزرنے والا ہے
دریاؤں میں ریت اُڑے گی صحرا کی
صحرا سے گرداب گزرنے والا ہے
مولا جانے کب دیکھیں گے آنکھوں سے
جو موسم شاداب گزرنے والا ہے
ہستی امجد دیوانے کا خواب سہی
اب تو یہ بھی خواب گزرنے والا ہے

tujhay naz hai tu haseen hai
tairay gulistan ko zawal kaya;

mjhay fakhar hai , main ishq hoon
jo jala na doon toh kamal kaya,

mjhay zindagi ki dua na day
mjhay zindagi ki talab ni

maire moat ko jo taal day
ic zindagi ki majal kaya

hamain manziloon ki khabar ni
humain rehguzar ki tallaash hai..

ic rehguzar pay nikal paray
toh arooj kaya aur zawal kaya

tairay piyar main shikway gilay
taire in aadayoon pay mr chalay

jo hayaat thi tujhay war di
ab sawal kaya or jawab kaya

Bichhar Kay Tujh Say Yahi Khud Ko Sazaa Di Main Nay,
Tere Talaash Main Ek Umar Lagaa Di Main Nay.

Tujhe Jo DiL Say Nikaala To Yun Laga Jaise,
Apnay Andar Koi Deewar Giraa Di Main Nay.

Goongay-Behron Main Raha Jaise Koi Naabeena,
Zindagi Tera Binaa Aisay Bitaa Di Main Nay.

Dard-0-Ghum, Ranj-0-Musibat Ki Qabayen 0rhen,
Ghar Ki Diwaaron Ko Jaalon Ki Ridaa Di Main Nay.

Jis Ka Har Laafz Adhoora Raha Sanam Tum-Bin,
Zindagi Aesi Aik Kitaab Banaa Di Main Nay.

Apnay Andar Say Sunaa Yahan Hun Main Yahan,
Tu Kahan Hai Ki Jab Bhi Sadaa Di Main Nay.

Us-Ko Achaanak Say Jo Khoya To Yun Laga..!
Zindagi Aik Hi Lamhay Main Ganwaa Di Main Nay...!~

Bohat Masroof Lamhon Mein
Khbhi Ek Pal Ko Socho To
KOi Kitna Akaila hay
Kisi ki Zindgi Tum Ho
KIsi Ki Bandgi Tum Ho
Kisi Ko Teri Khawahish Hay
KIsi KI Chahtein Tum Ho
hbi Ek Pal Ko Socho To
Tumhari Bewafai Nay
Tumhari La,perwahi Nay
Tumhari Beniazi Nay
Kisi Ko Mar Dala Hay
Koi Zinda To Hay Lakin
Faqat wo Sans Laita Hay

Zara Ek Pal Ko Socho To
Koi Kitna Akaila Hay
Kisi Ki Zindgi Tum Ho.

Hamare darmiyan aisa koi rishta nahin tha
tere shanon pe koi chat nahin thi

... mere zimme koi angan nahin tha
koi wada teri zanjir-e-pa banane nahin paya

kisi iqrar ne meri kalai ko nahin thama
hawa-e-dasht ki manind
tu azad tha
raste teri marzi k tabe the
mujhe bhi apni tanhai pe
dekha jaye to
pura tasarruf tha

magar jab aj tu ne
rasta badla
to kuch aisa laga mujh ko
k jaise tu ne mujh se bewafai ki ....

Aisa Nahi Kay Tujh Say Muhabbat Nahi Humen,
Par Ghum Roz-Roz Sehnay Ki Aadat Nahi Humen.

Har Baar Teray Samnay Sar Ko Jhuka Liya,
0r Phir Bhi Dykh Tujh Say Shikayat Nahi Humen.

Hum Jantay Hain Tu Bhi Hai Tanha Humaray Bin,
Auron Say Poochnay Ki Zaroorat Nahi Humen.

Tu Aitbaar Kar Lay Tujhe Chahtay Hain Hum,
Teray Siwaa Kisi Ki Bhi Chahat Nahi Humen.

Kaisay Rahen-Gay Bin Teray Ab Baat Maan Lay..!
Teray Baghair Rehnay Ki Aadat Nahi Humen…!~

Mujh Se Giley Hain Mujh Pe Bharossa Nahi Ussy,,,
Yeh Soch Kar Hum Ne Bhi Tou Roka Nahi Ussy...

Wo Shaks Kbhi Chand Sitaron Se Yeh Pochey,,,
Hai Kon Si Wo Raat Jab Socha Nahi Ussy...

Alfaaz Teer Ban kay Utartay R,hey Dil Mein,,,
Sunty Rahe Chup Chaap Hi Tokka Nahi Ussy...

"WASI" Ye Muhabbat Nahi Asool-e-Wafa Hai,,,

Hum Jaan To Dain Gay Magar Dhoka Nahi Ussey

Udaasiyun ka ye mosam Badal bhi skta tha ,
Wo chahta to mayra Sath Chal bhi skta tha
Wo Shakhs tuney jisay Chornye ki jaldi ki
Taray Mizaj k sanchy main dhal bhi skta tha
Wo jaldbaaz khafa ho k chaldia warna
Tnaazaat ka koi hal nikal b skta tha
ANNA ne hath uthnay nahi diye warna
Meri dua say wo pather pigal bhi skta tha
Tamam UMAR tera muntazir raha Mohsin.
yeh aor baat k wo rassta badal bhi skta tha

Woh Ziddi Tha Bohat Magar!
Meri Eltijaon Pe Maan Jata Tha!

Meri Har Baat Pe Woh inkaar Karta!
Magar Meri Zidd Pe Woh Haar Jata Tha!

Woh Mujh Ko Hamesha Ajnabi Hi Kehta Tha!
Magar Doston Ki Tarha Hi Rakhta Tha!

Woh Tark-e-talluk Ka khawaan To nahi Tha!
Magar Raabtay Bhi Kam Rakhta Tha!

Meri Hansi Usay Buri Lagti Thi!
Magar Mujhe Woh Rota Bhi nahi Dekh Sakta Tha.

Jis K intezar Main Khud Ko Bhula Diya!
Woh Hamesha Mujhe Pagal kaha karta Tha....

Wo manzilain bhi kho gain

Wo rastay bhi kho gai

Jo aashna say log thay

Wo ajnabi say ho gai

Na chand than na chandni

Ajeeb thi who zindagi

Chiragh thay kay bujh gai

Naseeb thay kay so gai

Yen poochtay hain rastay

Rukay ho kis kay wastay

Chalo tum bhi ab chalo

Wo mehrban bhi kho gai.

Tumhein jo be-sabab mujh se khafa honey ki aadat hai....

Ye aagaz-e-judaai hai ke andaz-e-mohabbat hai......

Wafa ke rung me dekho jafa achhi nahi hoti.......

Kisi se pyar me itni "ana" achhi nahi hoti.......

Faqat kehney ki batein hain........

nibhata kon hai kis ko........

Chalo ab daikh letey hain.........

Manata kon hai kis ko.....?????

Gehri Gehri Aankhon Wali
Uljhi Uljhi Pagal Larki
Tu Yeh Kis Ki Dhun Mein Aakhir
Lambi Lambi Palkon Ooper
Motay Motay Aansoo Le Kar
Sundar Komal Pairoon Neechay,Jalti Balti Dharti De Kar
Kariya Kariya Bhag Rahi Hay,Kis Ki Khatir Jaag Rahi Hay

Tujh Ko Yeh Maloom Nahi Kya
Tujh Jaisi Na Janay Kitni Gehri Gehri Aankhon WaliKaisi Kaisi Sundarta k Dhair Khazanay Le Kar Nikleen
Lekin Phir b Iss Rastay Se
Manzil Tak Pahunchanay Wala
Har Ik Saathi Jhoota Nikla
Ek Ek Aasha Dushman Nikli,Ek Ek Sapna Dhoka Nikla
Sacha Har Ik Khadsha Nikla

Dekho...Tum b Janay Do Ab
Nadani Ka Jitna Rasta Tum Ne Ab Tak Tay Kar Dala
Uss Rastay Se Ghar Ki Manzil
Ab b Itni Door Nahi Hay
Ab b Wapis Ja Sakti Ho,Sab Kuch Wapis Pa Sakti Ho
Ab b Gar Tum Nadani k Iss Rastay Se Ghar Na Palteen
To Phir Ek Din Aisa Hoga
Sundar Aankhein Mar Jayein Gi
Palkein Khoon Se Bhar Jayein Gi
Jaan Laboon Par Aa Jaye Gi
Tan k Saray Ujlay Pan Ko Ghor Musafat Kha Jaye Gi

Uss Din Phir Tum Chillao Gi,Lekin Kuch Na Hasil Ho Ga
Saray Lams k Bhookay Saathi,Punkh Laga Kar Urr Jayein Ge
Tum Rastay Mein Reh Jao Gi
Rasta b Vo Jis k Peechay
Dar Ki Gehri DalDal Hogi.Aagay Gham Ka Jungle Hoga
Sir Par Gehra Badal Hoga

Uss Din k Aanay Se Pehlay,Uss Din Tak Janay Se Pehlay
Waqt Milay To Dhalnay Walay
Har Lamhay Ki Zaat Pe Socho
Duniya Ki Bareek Nazar Se,Duniya Ki Har Baat Pe Socho
Jazboon Ki Aukaat Hi Kya Hay
Jazboon Ki Aukaat pe Socho
Vo Dekho...Ek Saaye Par Phir Veeranay Mein Bijli Karki..
Gehri Gehri Aankhon Wali Uljhi Uljhi Pagal Larki...!!!

Batao kaisa lagta hai????
Kisi ko paa k kho dena
Kisi k sath sath chalna
Magar uska na ho pana
Khud hi ko kosty rehna
Magar usko na kuch kehna
Khud girna sambhalna
Hansna or ro dena
Batao kaisa lagta hai???
Khizan ki sakht sardi me
Hijr ki lambi raaton me
Kisi ki yaad me udaas hona
Kisi ko sochty sochty
Apni ankhen band karna
Or....

Andheron me chaly jana
Batao kaisa lagta hai???
Naye rishton me rang jana

Magar kisi ko bhol na pana
Batao kaisa lagta hai???
Batao kaisa lagta hai............???

Ek Gulab Tha
Bara He Udaas Tha
Rang Bhi Uska Tha Ura Ura Saa !

Shabnam Ke Aansoo Rawan The Uske
Dil Tha Uska Kuch Bujha Bujha Sa
Bahar Ka Tha Mausam Phir Bhi Na Khila Tha
Daali Se Tha Woh Apni Kuch Jhuka Jhuka Sa

Maine Jo Dekha Usse,
Paas Jake Pucha Usse,
Kyun Hai Udaas Tu ?
Kyun Karta Hai Dil Barbad Tu ?
Yeh Sun kar Woh Rone Laga
Shabnam Ke Aansuon Se Muh Dhone Laga
Aur Rote Rote Bas Yeh Kehne Laga
Mera Yaar Mujhko Chor Gaya Hai
Mera Pyar Mujhse Muh Mor Gaya Hai
Ab Mai Kiske Liye Khil Jaun ?
Ab Mai Kiske Liye Khushboo Mehkaaun ?
Mujhe Kaun Apne Dil Se Lagaye Ga ?
Mujhko Kaun Apni Saanson Mein Basaye Ga ?

Mera Chaman Ujar Gaya Hai
Mera Yaar Mujhse Bichar Gaya Hai
Bas Ab To Har Lamha Ussi Ki Yaad Hai
Bas Beqarari Hai Tadap Hai Fariyad Hai
Mujhko Mere Yaar Se Mila De
Mujhko Koi Mera Pyar Lauta De
Woh Aayega To Khil Jaunga Mai
Apni Zindagi Se Mil Jaunga Mai .

تتلیوں کی خواہش تو

تتلیوں سے نازک ہے

اس طرح کی خواہش کا

رنگ روپ ڈھلنے میں

دیر اتنی لگتی ہے ۔۔۔۔

تتلیوں کے دل آویز

نرم نرم پنکھوں سے

دلکشی اترنے میں

دیرِجتنی لگتی ہے

اجاڑ لمحوں کی داستانیں جو تم کہو تو سنائیں تم کو
بہت سا ھم جاگتے رھے ھیں چلو ذرا سا جگائیں تم کو

تم ھی ھو جو روشنی سی بن کر ھماری آنکھوں میں آبسے ھو
جب اپنی آنکھیں ھی کہ دیا ھے تو پھربھلا کیوں رلائیں تم کو

غبار آلود راستوں میں تلاش کرکر کے تھک گئے ھیں
کہاں پہ جا کے بسے ھوئے ھو، کہاں سے ھم ڈھونڈھ لائیں تم کو

تمہیں تو سکھ آ گئے میسر، تمھیں تو ھم یاد ھی نہیں ھیں
مگر یہ بتاؤ کہ ھم جو چاھیں تو کس ترھ بھلائیں تم کو

کہو کہ جاذب یہ جھوٹ ھے نا کہ تم نے اس کو بھلا دیا ھے

انھی تلک جس کی شوخ یادیں ھر ایک لمحے ستائیں تم کو

Ajeeb Dhang Hain Abke Bahaar Aane Ke
Chaman Mein Chaar Soo Charche Hain Ghar Jalaane Ke

Wo Tez Aandhi Gulistaan Mein Abki Baar Chali
Ke Tinke Bhi Naa Rahe Mere Aashiyaane Ke

Tu Bawafa Bhi Raha Aur Kabhi Wafa Bhi Na Ki
Main Sadqe Jaaun Tire Is Hasin Bahaane Ke

Ilahi Khair Ke Hota Hai Husn Bhi Ruswa
Zamaane Bhar Mein Hain Charche Mire Fasaane Ke

Ye Inqilaab Ki Aahat Hai Rekhta Sahib
Waraq Palatne Hi Waale Hain Ab Fasaane Ke

hum se bichar k kaha jao gay kia karo gay
is bazm main koi apna na bana tu kia karo gay

is bhary duniya mein bhi tum ko
wafa na mili tu kia karo gay

teri khuwahshaat kay ju mahal hain abhi
kabhi khandar ju huey tu kia karo gay

ju sitam dhaye hain barha hum par tum nay
tum par wo zmany nay ju dhayeh tu kia kro gay

tum ju kahty hu tu chlo chord he daty hain tumehn
jab kahin tanhayi main dar jao gay tu kia karo gay

Bas ek khyaal hai taskeen E jaaN hamare liye
Zamane bhar se koi bad gumaaN hamare liye

Jo tera lams mile to khule yeh baab E wajood
Aur is mein ho tu kabhi mayhmaaN hamare liye

Hum us pe khaab ki soorat utarne waale hain
Sajaye aaNkh mein wo kahkashaaN hamare liye

Udaas hochuke lamhoN mein rang bharti hui
Hawaaye shaam hai na-mehrbaaN hamare liye

Nateejatan hamaiN mahroom e khaab hona paRa
HaqeeqatoN ne kaRe imtehaaN hamare liye

Kaleja thaam lo roodad E gham ham ko sunaane do
Tumhein duk_kha hua dil ham dikhate hain dikhane do

Usi ke dam se thoRi raushni hai khaana E dil meiN
Bujhaate kyuN ho sham- E aarzoo ko jhilmilane do

Usi se tum kisii kii zulf ki roodaad sun lena
Udhar dekho wo deewaana chala aata hai aane do

Suna hai ishq ka me’raaj pinhaN hai shahadat me
Chhuri laao mujhe bhi apni qismat aazmaane do

Na dagh aayega apne daman E husn E tabiy’at per
Wafaa per mere jo tohmat lagate hain lagane do

Zamana sabr kar leta hai ‘Ajiz’ ham bhi kar leNge
Khalish dil ki miTa lene ke do aaNsoo bahane do

Sab qareenay, usi dildaar ke, rakh dete haiN

Hum ghazal men bhi hunar yaar ke rakh dete haiN

Shayad ajayeN kabhi chachm e khariidar men hum

Jan O dil biich mein bazaar ke rakh dete haiN

Zikr e janaN mein yeh duniya ko kahaN le aaye

Log kyuN mas’alay bekaar ke rakh dete haiN

Zindagii teri amaanat hai magar kya kijiye

Log yeh bojh bhi thak haar ke rakh dete haiN

Hum to chahat men bhi ghalib ke muqallid hain ‘Faraz’
Jis pe marte haiN use maar ke rakh dete haiN

Gham kaa vo zor ab mere andar nahi rahaa
Is umr meiN, maiN itana samar_var nahi rahaa

Is ghar meiN jo kashish thi gayi un dinoN ke sath
Is ghar kaa saayaa ab mere sar par nahi rahaa

Vo husn-E-naubahaar, abad shauq jism sun
Rahna tha us ko saath mere, par nahi rahaa

Mujh meiN hi kuchh kami thi K behtar maiN un se tha
MaiN shahar meiN kisii ke baraabar nahi rahaa

Rahbar ko un ke haal ki ho kis tarah Khabar
LogoN ke daramiyaan vo aakar nahi rahaa

Waapas na jaa vahaaN K tere shahar meiN ‘Munir’
jo jis jagah pe tha vo vahaaN par nahi rahaa

Tera Nam Lon Ziban Se, Tere Aage Sar Jhuka Don.

Mera Ishq Keh Raha He Min Tujhe Khuda Bana Don.

Ager Wo Jaan Jata Meri Chahat Ki Tapesh Ko

Tumare Naam Hain Meri Her gahri Meri Saans

Main Tum Ho Meri Her Dharkan Main Ho Meri Her

Lafzo Main Tum Ho Mere Khailo Main Tum Ho Mere

Khawbo Main Tum Ho Meri Her Rango Main Tum Ho

Usay Dekha Too Khaiyal Aya

Wo Bara Meharban Hain

Muje Hazaaron Gham Dy Ga

Hum Too Khud Garz Nikaly

Kuch Na Dy Skay Chahat K Siwa

Hum Mizaaj Uska Bare Gauhar Se Dekhte Hain

Suna Hain Aaj Kal Har Log Usay Dehkte Hain

Uskay Shahr Main Kuch Din Thahar Ge Hum

Hum Kabi Dar--O--Diwar Ghar K Dekhte Hain

Kahaani Hi Sahi Dastan-E-Mohabbat Dekhte Hain

ik din shararatan us k kamre mn ja kr,

deewar pe likhe kuch haruf parrhna chahe,,

ja baja hath se bani tasveeron ko samjhna chaha,

kahin sookhe gulab ki pattiyan thin,

kahin takiya aansoun se num tha,

phr kitabon se aisi kitab mere hath lagi,

jis k safha-e-awal pe mera naam tha,

kuch lafaz chape the,mera hath laraz utha,

chehra paseene se tar tha,

meri sada mere kaanon mn goonjne lagi,

"MUJHE KHABAR BHI NAHI

K WOH KHAMOSH SA SHAKSH,

MUJHE IS QADAR CHAHTA HE"

Bohat si besabab baatein

Faqt Tamheed hoti hain

Jo Aksar Tum say Kehta hon

"Sunao Aur Kaisi ho?"

"Suni Sardi bohat hai na"

"Nahi Mosam to acha hai"

"Chalo Acha Mein Chalta hon"

"Dobara Fone ker Lon Ga"

Ye Sari besabab Baatin

Faqat Tamheed hoti Hain

Aur Is Tamheed Main Jana

Guzr Jaate Hain Sab Lamhe

Guzar Jaate Hain jab Lamhe

To Phir Me Sochta Hun K

Zara si Baat Hi To hy

Tumhe Jaldi Say Keh Doon Ga

Mujhey Tumse Muhabbat Hai
Bohat Zyada Muhabbat Hai

?’Kuch to Ae yaar elaj-e-ghum-e-tanhai ho
Baat itni b na brr jaye k ruswai ho

Jis ne b mujhko tamasha sa bana rakha hy
Ab zarori hy wohi aankh tamashai ho

Dobne wale to aankho se b kub nikle hain
Dobne k liye lazim nahi,gehrai ho

Main tujhe jeet b tohfey me nahi de sakta
Chahta ye b nahi hon teri paspai ho

Koi anjan na ho shehr-e-mohabat ka makeen
KASH har dil ki har ik dil se shanasai ho

Yon guzar jata hai MOHsin tere koche se woh
Tera wakif na ho jese koi SODAI ho..!

Bahar Rutt me ujar Rasty,
Tak’ka kro gy to Ro paro gy…

Kisi se milny ko jab bhi Mohsin,
Sajja karo gy to Ro paro gy….

Tumhare wadon ne yar muj ko,
Tabah kiya hy kuch is trha se…

K zindgi me jo phir kisi se,
Dagha karo gy to Ro paro gy…

Main janta hon meri muhabbt,
Ujar dy gi tumhe bhi aise…

K chand raton me ab kisi se,
Mila kro gy to Ro paro gy…

Barasti barish me yad rakhna,
Tumhe stayein gi meri ankhen…

Kisi Wali k mazar par jab
Dua karo gy to Ro paro gy…!!!

MeRi AaNkHooN MaIn ChUpI UdAsI Ko MeHsOs To KaR

“~*MoHSiN*~”

MaIn SaB Ko HaNsA KaR KhUd RaaT BhAr NaHi SoTi…..!!

Kahan itni saza’en thi bhala is zindgani mein,
Hazaron ghar huwe roshan jab mera dil jala MOHSIN.

Faqat ik lafz “MOHABBAT” ki hum ne bheek mangi thi,
Taras gaye khushi ko hum mili hai ye saza MOHSIN.

Sukoon e zindagi chora ik teri zaat ki khatir,
Magar phir bhi meri chahat se tum ko hai gila MOHSIN.

Toota huwa ye dil le kar main kis k paas jaonga,
Hai kaun wo karay ga jo mere dil ki dawa MOHSIN.

Teri ankhain teri sansain tera chehra teri dharkan,
Main kaise bhool paön ga teri har ik adaa MOHSIN.

Kisi ko kya khabar mujh par har pal kya guzarti hai,
Meri saari kahani ka hai tu hi aashna MOHSIN.

Nahi qaabil tere lekin munasib jo agar samjho,
Yaad rakhna duaon mein yehi hai ilteja MOHSIN.

Kahaan Tha Itna Azaab Ashna Maira Chehra
Jallay Chiraagh tu Bujhnay Laga, Maira Chehra
Woh Tairay Hijar Kay Din woh Safeer Sadiyon Kay
Tu Un Dinoon mein Kabhi Daikhta Maira Chehra
Judaiyoon Kay Safar Mein Rahay Hain Saath
SadaTairi Talaash,Zamanay, Hawa, Maira Chehra
Mairay Siwa Koi Itna udaas Bhi Tu Na Tha
Khizaan Kay Chand Ko Achaa Laga Maira Chehra
Kitaab Khool Raha Tha Woh Apnay Maazi Ke
Warq Warq Pay Bikharta Gaya Maira Chehra
Sehar Kay Noor Say Dhulti Hoe Tairi Ankhain
Safar Ke Gard Mein Lipta Howa Maira Chehra
Hawa Ka Akhri Boosa Tha Ya Qayamat Thi ?
Badan Ke Shaakh Say Phir Gir Para Maira Chehra
Jissay Bujha Kay Hawa Soogwar Phirti Hai
Woh Shama e Shaam e Safar Thi Keh Maira Chehra
Yeah Loug Kiyon Mujhay Pehchantay Nahi “Mohsin”
Mein Sochta Hoon Kahaan Reh Gaya Maira Chehra ?

Saara He Shehar Us k Janazy Mein Tha Shareek

Wo Shakas Ju Tanhayioon K Khuf Sy tha Mar Gaya

us ne sukuut-e-shab main bhii apanaa payaam rakh diyaa
hijr kii raat baam par maah-e-tamaam rakh diyaa

aamad-e-dost kii naviid kuu-e-vafaa main aam thii
main ne bhii ik chiraaG-saa dil sar-e-shaam rakh diyaa

dekho ye mere Khvaab the dekho ye mere zaKhm hain
main ne to sab hisaab-e-jaan barsar-e-aam rakh diyaa

us ne nazar nazar main hii aise bhale suKhan kahe
main ne to us ke paanon main saaraa kalaam rakh diyaa

shiddat-e-tishnagii main bhii Gairat-e-maikashii rahii
us ne jo pher lii nazar main ne bhii jaam rakh diya

aur 'Faraz' chaahiiye kitanii muhabbatain tujhe
ke maaon ne tere naam par bachchon ka naam rakh diyaa

Azmat-e-zindagi ko bech diya

Ham ne apani khushi ko bech diya

  

Chashm-e-saqi ke ik ishare pe

Umr ki tishnagi ko bech diya

  

Rind jam-o-subu pe hansate hain

Shaikh ne bandagi ko bech diya

  

Rahguzaron pe lut gai radha

Sham ne bansuri ko bech diya

  

Jagamagate hain vahashaton ke dayar

Aql ne adami ko bech diya

  

Lab-o-rukhsar ke ivaz ham ne

Sitvat-e-khusravi ko bech diya

  

Ishq beharupiya hai ai ‘sagar’

Ap ne sadagi ko bech diya

Kaha koi aisa mila jispe dil luta dete,

har ek ne dhoka diya kis-kisko bhula dete,

apne dil ka dard dil hi mein dabaye rakhe hain,

karte bayan to mehfil ko rula dete.

Kisi ka ishq kisi ka khyal thay hum bhi

Gaey dinon mein boht ba kamal thy hum bhi.

Hamari khoj mein rehti thin titlyan aksar

K apny shehr ka husn o jamal thay hum bhi

Zamin ki gode mein sir rakh k so gaey akhir

Tumhary hijr mein kitny nidhal thay hum bhi,

Zarorton ney hamara zamir chat lia,

Wgerna,

qail-e-rizq-e-halal thay hum bhi.

Hum aks aks bikherty rahy isi dhunn mein,

K zindgi mein kabhi la zawal thay hum bhi.

Roye Hai Buhat Tab Zara Karaar Mila Hai

Is Jahan Mein kise Bhala Sacha Pyaar Mila He

Guzar rahi hai zindagi Imtehan ke daur se

Ek khatam Hua Toh Dusra Tayar Mila Hai

Mere Damaan ko khushiyo ka nahi Malaal

Gham ka khazana jo isko beshumar mila hai

Woh kamnasib hai jinhe mehboob mil gaya

Mein khushnasib hun mujhe Intezar mila hai

Laai Hayaat to aaye qaza le chali chaley

Apni Khushi se na aaye na apni khushi chaley

Kam hongey is bisaat par hum aisey bad qumaar

Jo chaal hum chaley woh nihayat buri chaley

Behtar to hai yehi ke na duniya se dil lagey

Par kya karein jo kaam na be dil-lagi chaley

Duniya ne kis ka raah-e-fanaa mein diya hai saath

tum bhi chaley chalo yunhi jab tak chali chaley

Jaatey Hawaa-e-shauq mein hain is chaman se Zauq

Apni balaa se Baad-e-Saba ab kabhi chaley

Wo Kehti hai Suno Jana
Muhbbat Moom Ka Ghar Hai
Tabish Bad Gumani Ki
Kahin Pighla Na De Ais ko

Main Kehta Hoon
Jis Dil Main Zara B Badgumani Ho
Wahan Kch Or Ho Tu Ho
Muhbbat Ho Nai Sakti

Wo Kehti Hai Sada Aisay He
Kaya tum Muj Ko Chaho Gaye
Keh Main Ais Main Kami Koi Bhi
Gawara Ker Nai Sakti

Main Kehta Hoon
Muhbbat Kaya Hai
Yeh Tum nay shikaya hai
Mujay Tum Say Muhbat K Siwa
Kch b Nai Ata

Wo Kehti Hai
Judai Say Buht Darta Hai Mera Dil
Keh Khud ko Tum Say Hat Ker Dekhna
Mumkin Nai Hai Ab

Main Kehta Hoon
Yahi Khadshay Buht Muj Ko sattay Hain
Mager Sach Hai Muhbbat Main
Judai Saath Chalti Hai

Wo Kehti Hai
Batao Kaya Mere Bin Ji Sako Gaye Tum
Meri Baatien,Meri Yaadien,Meri Ankhien
Bhula Do gaye

Main Kehta hoon
Kabhi Ais Baat per socha nai main nay
ager ik pal ko b sochon tu
saansien ruknay lagti hain

wo kehti hai tumhien muj say
muhbbat ais kader kio hoon
Keh main ik aam si lerki
tumhien kio khas lagti hon

main kehta hoon
kabhi khud ko meri ankhon say tum dekho
meri dewangi kio hoon
yeh khud he jaan jao gi

wo kehti hai
mujay warftgi say dekhtay kio ho
keh main khud ko buht
keemti mehsoos kerti hoon

main kehta hon
Mata-e-jaan buht anmool hoti hai
tumhien jab dekhta hoon zindgi
mehsoos kerta hoon

wo kehti hai mujay alfaz k jugno nai miltay
keh tumhien bata sakon
keh dil main mere
kitni muhbbat hai

main kehta hoon
muhbbat tu Niighaon say jhalkti hai
tumhari khamosi muj say
tumhari baat kerti hai

wo kehti hai
batao na kis ko khonay ser darta ho
batao kon hai wo jisay
yeh musam bulatay hain

Main kehta hoon
yeh meri sheri hai aiena dil ka
zara dekho batao kaya
tumhien ais main nazar aya

wo kehti hai
Atif ji buht baatien banatay ho
mager sach hai yeh baatien
buht he shaad rakhti hain

main kehta hoon
yeh sab baatien yeh fasany ik bhana hain
keh pal kch zindagani k
tumhare saath kat jaien
phir us k baad khamoshi ka
dilkash raqs hota hai
nagihaien bolti hai or
lab khamosh rehtay hain

tu abhi rahguzar mein hai qaid-e-makam se guzar
misr-o-hijaz se guzar, paires-o-sham se guzar

jis ka amal hai be-garaz, us ki jaza kuch aur hai
hur-o-khayam se guzar, bada-o-jam se guzar

garche hai dilkusha bahot husn-e-firang ki bahar
tayarek buland bal dana-o-dam se guzar

koh shigaf teri zarab tujhse kushad sharq-o-garab
teze-hilahal ki tarah aish-o-nayam se guzar

tera imam be-huzur, teri namaz be-surur
aisi namaz se guzar, aise imam smumkin hai ke tu jisako samajhata hai baharan e guzar

ata hai yad mujhko guzara hua zamana
wo bag ki baharen wo sab ka chah-chahana

azadiyan kahan wo ab apne ghonsale ki
apni khushi se ana apni khushi se jana

lagti ho chot dil par, ata hai yad jis dam
shabnam k anson par kaliyon ka muskurana

wo pyari pyari surat, wo kamini si murat
abad jis k dam se tha mera ashiyana

ajab waiz ki din-dari hai ya rab
adawat hai ise sare jahan se

koi ab tak na ye samjha k insan
kahan jata hai ata hai kahan se

wahin se rat ko zulmat mili hai
chamak taron ne pai hai jahan se

ham apni dard-mandi ka fasana
suna karte hain apne razdan se

bari barik hain waiz ki chalen
laraz jata hai awaz-e-azan se

ek vaadaa hai kisii kaa jo vafaa hotaa nahii.n 
marmarii taaro.n bharii raato.n me.n kyaa hotaa nahii.n 

jii me.n aataa hai ulaT de.n un ke chehare se naqaab 
hausalaa karate hai.n lekin hausalaa hotaa nahii.n 

shamaa jis kii aabaruu par jaan de de jhuum kar 
vo patangaa jal to jaataa hai fanaa hotaa nahii.n

ek muddat hu_ii ek zamaanaa huaa 
Khaak-e-gulashan me.n jab aashiyaanaa huaa 

zulf-e-baraham kii jab se shanaasaa_ii hu_ii 
zindagii kaa chalan mujremaanaa huaa 

phuul jalate rahe chaa.Nd ha.Nsate rahaa 
aarazuu kaa muqammal fasaanaa huaa 

daaG dil ke shaha.nshaah ke sikke bane 
dil kaa muflis-kadaa jab Khazaanaa huaa 

rah_bar ne palaT kar na dekhaa kabhii 
rahr-o-raaste kaa nishaanaa huaa 

ham jahaa.N bhii gaye zauq-e-sajdaa liye 
har jagah aap kaa aasataanaa huaa 

dekh mizaraab se Khuun Tapakane lagaa 
saaz kaa taar marG-e-taraanaa huaa 

pahale hotii thii ko_ii vafaa-paravarii 
ab to "SaaGar" ye qissaa puraanaa huaa

chhupaaye dil me.n Gamo.n kaa jahaan baiThe hai.n
tumhaarii bazm me.n ham bezabaan baiThe hai.n

ye aur baat ki manzil pe ham pahu.Nch na sake
magar ye kam hai ki raaho.n ko chhaan baiThe hai.n

fuGaa.N hai dard hai soz-o-firaaq-o-daaG-e-alam
abhii to ghar me.n bahut meharabaan baiThe hai.n

ab aur gardish-e-taqadiir kyaa sataayegii
luTaa ke ishq me.n naam-o-nishaan baiThe hai.n

vo ek lafz-e-mohabbat hii dil kaa dushman hai
jise shariat-e-ehasaas maan baiThe  hai.n

hai maikado.n kii bahaaro.n se dostii 'Sagar'
baraaye had-e-yaqiin-o-gumaan baiThe hai.n

chaa.Ndanii ko rusuul kahataa huu.N
baat ko baa_usuul kahataa huu.N

jagamagaate hue sitaaro.n ko
tere pairo.n kii dhuul kahataa huu.N

jo chaman kii hayaat ko Das le
us kalii ko babuul kahataa huu.N

ittefaaqan tumhaare milane ko
zindagii kaa husuul kahataa huu.N

aap kii saa.Nvalii sii suurat ko
zauq-e-yazdaa.N kii bhuul kahataa huu.N

jab mayassar ho saaGar-o-miinaa
barq_paaro.n ko phuul kahataa huu.N

bhuulii hu_ii sadaa huu.N mujhe yaad kiijiye 
tum se kahii.n milaa huu.N mujhe yaad kiijiye 

ma.nzil nahii.n huu.N Khizr nahii.n rahazan nahii.n 
ma.nzil kaa ra.ntaa huu.N mujhe yaad kiijiye 

merii nigaah-e-shauq se har gul hai devataa 
mai.n ishq kaa Khudaa huu.N mujhe yaad kiijiye 

naGmo.n kii ibtidaa thii kabhii mere naam se 
ashko.n kii i.ntahaa huu.N mujhe yaad kiijiye 

gum-sum kha.Dii hai.n dono.n jahaan kii haqiiqate.n 
mai.n un se kah rahaa huu.N mujhe yaad kiijiye 

"Sagar" kisii ke husn-e-taGaaful shaar kii 
bahakii hu_ii adaa huu.N mujhe yaad kiijiye

bargashtaa-e-yazdaa.N se kuchh bhuul hu_ii hai
bhaTake hue insaan se kuchh bhuul hu_ii hai

taa hadd-e-nazar shole hii shole hai.n chaman me.n
phuulo.n ke nigeh_baan se kuchh bhuul hu_ii hai

jis ahad me.n luT jaaye faqiiro.n kii kamaa_ii
us ahad ke sultaan se kuchh bhuul hu_ii hai

ha.NSate hai.n merii suurat-e-maftuu.N pe shaguufe
mere dil-e-naadaan se kuchh bhuul hu_ii hai

huuro.n kii talab aur mai-o-saaGar se hai nafrat
zaahid tere irfaan se kuchh bhuul hu_ii hai

baat phuulo.n kii sunaa karate the 
ham kabhii sher kahaa karate the 

mashaale.n leke tumhaare Gam kii 
ham andhero.n me.n chalaa karate the 

ab kahaa.N aisii tabiyat vaale 
choT khaa kar jo duaa karate the 

tark-e-ehasaas-e-muhabbat mushkil 
haa.N magar ahal-e-vafaa karate the 

bikharii bikharii zulfo.n vaale 
qaafile rok liyaa karate the 

aaj gulshan me.n shaguuf-e-saaGar 
shikave baad-e-sabaa se karate the

azmat-e-zindagii ko bech diyaa
ham ne apanii Khushii ko bech diyaa

chashm-e-saaqii ke ik ishaare pe
umr kii tishnagi ko bech diyaa

rind jaam-o-subuu pe ha.Nsate hai.n
shaiKh ne bandagii ko bech diyaa

rah_guzaaro.n pe luT ga_ii raadhaa
shaam ne baa.Nsurii ko bech diyaa

jagamagaate hai.n vahashato.n ke dayaar
aql ne aadamii ko bech diyaa

lab-o-ruKhsaar ke ivaz ham ne
sitvat-e-Khusravii ko bech diyaa

ishq beharuupiyaa hai ai 'Sagar'
aap ne saadagii ko bech diyaa

Apnay hothon par sajaana chahta hoon,
Aa tujhay main gungunana chahta hoon !

Koi aansoo tery daaman par gira gar,
Boond ko moti banana chahta hoon !

Thak gaya main kartay kartay yaad tujko,
Ab tujhay main yaad aana chahta hoon !

Cha raha hai saari basti mein andhera,
Roshni ko ghar jalana chahta hoon !

Aakhri hichki teray zaano pay aayey,
Maut bhi main shayraana chahta hoon !

Apnay hothon par sajaana chahta hoon,
Aa tujhay main gungunana chahta hoon !

Qateel Shifai

milkar juda huey tho na soya karenge hum
ek doosre ke yaad meiN roya karenge hum

aaNsoo chalak chalak ke sathaayenge raath bhar
moti palak palak meiN piroyaa karenge hum

jab dooriyoN ki yaad diloN ko jalaayegi
jismoN ko chaandni meiN bhigoya karenge hum

gar de gaya daga hameN toofan bhi 'qateel'
sahil pe kashtiyoN ko dooboya karenge hum

pyaas vo dil kii bujhaane kabhii aayaa bhii nahii.n
kaisaa baadal hai jisakaa ko_ii saayaa bhii nahii.n

beruKhii is se ba.Dii aur bhalaa kyaa hogii
ek muddat se hame.n us ne sataayaa bhii nahii.n

roz aataa hai dar-e-dil pe vo dastak dene
aaj tak hamane jise paas bulaayaa bhii nahii.n

sun liyaa kaise Khudaa jaane zamaane bhar ne
vo fasaanaa jo kabhii hamane sunaayaa bhii nahii.n

tum to shaayar ho 'Qateel' aur vo ik aam saa shaKhs
us ne chaahaa bhii tujhe aur jataayaa bhii nahii.n

Bhool Sakta Hai Bhala Koun Yeh Pyari Aankhain
Rang Mein Doobi Hui Neend Say Bhari Aankhain

Meri Her Saans Ne Her Sooch Ne Chaha Nai Tumhain
Jab Se Dekha Hai Tumhain, Tab Se Saraha Hai Tumhain
Bas Gahe Hain meri Aankhon Mein Tumhari Aankhain

Tum Jo Nazron Ko Uthao To Sitare Jhuk Jaye
Tum Jo Palkon Ko Jhukao To Zamane Ruk Jaye
Kyun Na Ban Jaye In Aankhon Ke Pujari Aankhain

Jaagti Raaton Ko Sapnon Ka Khazana Mil Jaye
Tum Jo Mil Jao Jeene Ka Bahana Mil jaye
Apni Qismat Pe Kerain Naaz Hamari Aankhain

kiyaa hai pyaar jise hamane zindagii kii tarah
vo aashanaa bhii milaa hamase ajanabii kii tarah

baDaa ke pyaas merii us ne haath chhoD diyaa
vo kar rahaa thaa muravvat bhii dillagii kii tarah

kise Khabar thii baDegii kuchh aur taariikii
chhupegaa vo kisii badalii mein chaaNdanii kii tarah

kabhii na sochaa thaa hamane Qateel us ke liye
karegaa ham pe sitam vo bhii har kisii kii tarah

garmii-e-hasarat-e-naakaam se jal jaate hai.n
ham charaaGo.n kii tarah shaam se jal jaate hai.n

bach nikalate hai.n agar aatih-e-sayyaad se ham
sholaa-e-aatish-e-gulafaam se jal jaate hai.n

Khudanumaa_ii to nahii.n shevaa-e-arabaab-e-vafaa
jin ko jalanaa ho vo aaraaam se jal jaate hai.n

shamaa jis aag me.n jalatii hai numaa_ish ke liye
ham usii aag me.n gumanaam se jal jaate hai.n

jab bhii aataa hai meraa naam tere naam ke saath
jaane kyuu.N log mere naam se jal jaate hai.n

rabtaa baaham pe hame.n kyaa na nahe.nge dushman
aashanaa jab tere paiGaam se jal jaataa hai

Door tak chhaye thay badal aur kahin saaya na tha
Is tarah barsaat ka mausam kabhi aaya na tha

Kia mila aakhir tujhe saayon ke peechhey bhaag ker
Ai dile naadan tujhey kia humney samjhaya na tha

Uff yeh sannata ke ahat tak na ho jis mai mukhil
Zindgi mai is qadar hum ne sukoon paaya na tha

Khoob roye chhip ke ghar ki chaardeewari mai hum
Haale dil kehne ke qabil koi hamsaaya na tha

Ab khula jhonkon ke peeechey chal rahi theen aandhiyan
Ab jo manzar hai wo pehle to nazar aaya na tha

Sirf khushboo ki kami thee ghaur ke qabil Qateel
Warna gulshan mai koi bhi phool murjhaya na tha

dil ko Gam e hayaat gavaaraa hai in dinon
pahale jo dard thaa vahii chaaraa hai in dinon

ye dil zaraa saa dil terii yaadon men kho gayaa
zarre ko aandhiyon kaa sahaaraa hai in dinon

har sail e ashk saahil e taskiin hai aaj kal
dariyaa kii mauj mauj kinaaraa hai in dinon

shamon men ab nahiin hai vo pahale sii roshanii
shaayad vo chaand anjuman e aaraa hai in dinon

tum aa sako to shab ko badhaa duun kuchh aur bhii
apane kahe men subah kaa taaraa hai in dinon

qurbaan hon jis ke husn pe sau jannaten Qateel
nazaron ke saamane vo nazaaraa hai in dinon

zindagii me.n to sabhii pyaar kiyaa karate hai.n
mai.n to mar kar bhii merii jaan tujhe chaahuu.Ngaa

tuu milaa hai to ye ehasaas huaa hai mujhako
ye merii umr mohabbat ke liye tho.Dii hai
ik zaraa saa Gam-e-dauraa.N kaa bhii haq hai jis par
mai.n ne wo saa.Ns bhii tere liye rakh chho.Dii hai
tujh pe ho jaauu.Ngaa qurabaan tujhe chaahuu.ngaa

apane jazbaat me.n naGmaat rachaane ke liye
mai.n ne dha.Dakan kii tarah dil me.n basaayaa hai tujhe
mai.n tasavvur bhii judaaii kaa bhalaa kaise karuu.N
mai.n ne qismat kii lakiiro.n se churaayaa hai tujhe
pyaar kaa ban ke nigehabaan tujhe chaahuu.ngaa

terii har chaap se jalate hai.n Khayaalo.n me.n chiraaG
jab bhii tuu aaye jagaataa huaa jaaduu aaye
tujhako chhuu luu.N to phir ae jaan-e-tamannaa mujhako
der tak apane badan se terii Khushbuu aaye
tuu bahaaro.n kaa hai unawaan tujhe chaahuu.Ngaa

Pages

Saturday, 26 May 2012

Thursday, 17 May 2012

Wednesday, 16 May 2012

Monday, 14 May 2012

Saturday, 12 May 2012

Wednesday, 9 May 2012

Tuesday, 8 May 2012

Sunday, 6 May 2012

Saturday, 5 May 2012

Friday, 4 May 2012

Wednesday, 2 May 2012

Tuesday, 1 May 2012

Friday, 30 March 2012

Monday, 26 March 2012

Wednesday, 7 March 2012

Saturday, 3 March 2012

Thursday, 1 March 2012

Tuesday, 28 February 2012

Wednesday, 22 February 2012

Monday, 20 February 2012

Sunday, 19 February 2012

Tuesday, 14 February 2012

Monday, 13 February 2012

Sunday, 12 February 2012

Saturday, 11 February 2012

Wednesday, 8 February 2012

Monday, 6 February 2012

Friday, 3 February 2012

Wednesday, 1 February 2012

Catagories

Blog Archive

Followers

About Me