Tuesday, 31 January 2012

tere ujalon main bhi dil kanp kanp uthta hai

Woh dil nawaz ha lekin nazar shanas nahi,
Mera ilaaj meray charahgar kay paas nahi,

Tarap rahay hain zabaan per kai sawal magar,
Meray liay koi shayaan-e-iltamaas nahi,

tere ujalon main bhi dil kanp kanp uthta hai
mere mizaj ko aasudagi bhi ras nahi

kabhi kabhi jo tere qurb main guzre the
ab un dinon ka tasawwur bhi mere pas nahi

guzar rahe hain ajab marhalon se dida-o-dil
sahar ki as to hai zindagi ki aas nahi

mujhay ye dar hai k teri arzu na mit jaye
bahut dinon se tabiyat meri udaas nahi,

Sunday, 29 January 2012

Sad Urdu Ghazal

sad urdu poetry

Loving Urdu Poetry

romantic urdu poetry

Sad Urdu Ghazal

Urdu Ghazal

Urdu poetry


Greate Urdu Poetry

nice urdu poetry

Sad Urdu Ghazal

sad urdu ghazal

Romantic Ghazal

urdu ghazal

Thursday, 26 January 2012

Mita dy apni hasti ko

mita dy apni hasti ko agar kuch martaba chahy.....
k dana khaak mein mil kar gulu gulzaar hota hai....

Taskeen na ho jis se wo raaz badal dalo

Taskeen na ho jis se wo raaz badal dalo
Jo raaz na rakh paye hamraaz badal dalo

Tum ne b suni ho gi bari aam kahawat hy
Anjam ka jo ho khatra aghaz badal dalo

Pur-soz dilon ko jo muskan na de paye
Sur hi na mile jis mai wo saaz badal dalo

Dushman k iradon ko hy zahir agar karna
Tum khel wohi khelo andaz badal dalo

Ay dost karo himat kuch door sawera hy
Agar chahte ho manzil tu parwaaz badal dalo….

Dekh kaisi qayamat si barpa huyi

DaiKh Kaisi Qayamat Si Barpa Hui Hai Aashiyanon Pay IQbaL…!
Jo Lahoo Se Tameer Huye Thay, Paani Se Bah Gaye…!

Tere ishq ki intaha chahta hun

Tere ishq ki intaha chahta hun
Meri sadgi dekh kya chahta hun

Sitam ho k ho wada-e-behijabi
Koi bat sabr-azma chahta hun

Ye jannat mubarak rahe zahidon ko
K main ap ka samna chahta hun

Koi dam ka mehman hun ai ahl-e-mahfil
Chirag-e-sahar hun, bujha chahta hun

Bhari bazm mein raz ki bat kah di
Bara be-adab hun, saza chahta hun

Ishq qaatil say bhi, maqtool say hamdardi bhi

Ishq qaatil say bhi, maqtool say hamdardi bhi,
Yeh bta kis say muhabbat ki jaza mangay ga.

Sajda Khaaliq ko bhi, iblees say yarana bhi,
Hashr mein kis say aqeedat ka sila mangay ga.

Wednesday, 25 January 2012

tum merii aa.Nkh ke tevar na bhulaa paaoge

um merii aa.Nkh ke tevar na bhulaa paaoge 
ankahii baat ko samajhoge to yaad aa_uu.Ngaa 

ham ne Khushiyo.n kii tarah dukh bhii ikaTThe dekhe 
safaah-e-ziist ko palaToge to yaad aa_uu.Ngaa 

isii andaaz me.n hote the muKhaatib mujh se 
Khat kisii aur ko likhoge to yaad aa_uu.Ngaa 

sard raato.n ke mahakate hue sannaaTo.n me.n 
jab kisii phuul ko chuumoge to yaad aa_uu.Ngaa 

ab tere ashk mai.n ho.nTho.n se churaa letaa huu.N 
haath se Khud inhe.n po.nchhoge to yaad aa_uu.Ngaa 

shaal pahanaayegaa ab kaun disambar me.n tumhe.n 
baarisho.n me.n kabhii bhiigoge to yaad aa_uu.Ngaa 

aaj tum mahafil-e-yaaraa.N pe ho maGaruur bahut 
jab kabhii TuuT ke bikharoge to yaad aa_uu.Ngaa 

haadase aaye.nge jiivan me.n to tum hoke niDhaal 
kisii diivaar ko thaamoge to yaad aa_uu.Ngaa 

is me.n shaamil hai merii baKht kii taariikii bhii 
tum siyaah rang jo pahanoge to yaad aa_uu.Ngaa 

kaash mai.n tere hasiin haath kaa kangan hotaa

kaash mai.n tere hasiin haath kaa kangan hotaa 

tuu ba.De pyaar se ba.De chaao se ba.De aramaan ke saath 
apanii naazuk sii kalaa_ii me.n cha.Dhaatii mujh ko 
aur betaabii se furqat ke Khizaa.N lamho.n me.n 
tuu kisii soch me.n Duubii jo ghumaatii mujh ko 
mai.n tere haath kii Khushbuu se mahak saa jaataa 
jab kabhii muuD me.n aa kar mujhe chuumaa karatii 
tere ho.nTho.n kii shiddat se mai.n dahak saa jaataa 

raat ko jab bhii tuu niindo.n ke safar par jaatii 
marmarii haath kaa ik takiyaa banaayaa karatii 
mai.n tere kaan se lag kar ka_ii baate.n karataa 
terii zulfo.n ko tere gaal ko chuumaa karataa 
jab bhii tuu band qabaa kholane lagatii jaanaa.N 
apanii aa.Nkho.n ko tere husn se kheraa karataa 
mujh ko betaab saa rakhataa terii chaahat kaa nashaa 
mai.n terii ruuh ke gulashan me.n mahakataa rahataa 
mai.n tere jism ke aa.Ngan me.n khanakataa rahataa 
kuchh nahii.n to yahii benaam saa bandhan hotaa 

kaash mai.n tere hasiin haath kaa kangan hotaa 

dayaar-e-Gair me.n kaise tujhe sadaa dete

dayaar-e-Gair me.n kaise tujhe sadaa dete
tuu mil bhii jaataa to tujhe ga.Nvaa dete


tumhii.n ne ham ko sunaayaa na apanaa dukh varanaa
duaa vo karate ke ham aasamaan hilaa dete

hame.n ye zom rahaa ab ke vo pukaare.nge
unhe.n ye zid thii ke har baar ham sadaa dete


vo teraa Gam thaa ke taasiir mere lahaje kii
ke jis ko haal sunaate use rulaa dete


tumhe.n bhulaanaa hii avval to dastaaras me.n nahii.n
jo iKhtiyaar bhii hotaa to kyaa bhulaa dete


tumhaarii yaad ne ko_ii javaab hii na diyaa
mere Khayaal ke aa.Nsuu rahe sadaa dete

sama'to.n ko mai.n taa-umr kosataa Syed
vo kuchh na kahate magar ho.nTh to hilaa dete

Monday, 23 January 2012

ye terii husn se lipaTii hu_ii aalaam kii gard



ye terii husn se lipaTii hu_ii aalaam kii gard
apanii do rozaa javaanii kii shikasto.n kaa shumaar

chaa.Ndanii raato.n kaa bekaar dahakataa huaa dard
dil kii besuud ta.Dap jism kii maayuus pukaar

har haqiiqat majaaz ho jaaye


har haqiiqat majaaz ho jaaye
kaafiro.n kii namaaz ho jaaye

minnat-e-chaaraasaaz kaun kare
dard jab jaa.N navaaz ho jaaye

ishq dil me.n rahe to rusavaa ho
lab pe aaye to raaz ho jaaye

lutf kaa intazaar karataa huu.N
jor taa hadd-e-naaz ho jaaye

umr besuud kaT rahii hai 'Faiz'
kaash afshaa-e-raaz ho jaaye
ham ko rahanaa hai par yuu.N hii to nahii.n rahanaa hai
ajanabii haatho.n kaa benaam garaa.N-baar sitam
aaj sahanaa hai hameshaa to nahii.n sahanaa hai

Duaa


aaiiye haath uThaaye.n ham bhii
aaiiye haath uThaaye.n ham bhii
ham jinhe.n rasm-e-dua yaad nahii.n
ham ji.nhe.n soz-e-mohabbat ke siwaa
koii but, koii Khudaa yaad nahii.n

aaiiye arz guzare.n ki nigaar-e-hastii
zahar-e-imaroz me.n shiiriinii-e-fardaa.N bhar de
wo ji.nhe.n tabe garaa.Nbaarii-e-ayyaam nahii.n
unakii palako.n pe shab-o-roz ko halkaa kar de

jinakii aa.Nkho.n ko ruKh-e-subh kaa yaaraa bhii nahii.n
unakii raato.n me.n koii shamaa munawwar kar de
jinake qadamo.n ko kisii rah kaa sahaaraa bhii nahii.n
unakii nazaro.n pe koii raah ujaagar kar de

jinakaa dii.n pairavii-e-kazbo-riyaa hai unako
himmat-e-kufr mile, jurat-e-tahaqiiq mile
jinake sar mu.ntazir-e-teG-e-jafaa hai.n unako
dast-e-qatil ko jhaTak dene kii taufiiq mile

ishq kaa sarr-e-nihaa.N jaan-tapaa.N hai jis se
aaj iqaraar kare.n aur tapish miT jaaye
harf-e-haq dil me.n KhaTakataa hai jo ka.NTe kii tarah
aaj izahaar kare.n or Khalish miT jaaye

dono jahaa.N terii mohabbat me.n haar ke


dono jahaa.N terii mohabbat me.n haar ke
wo jaa rahaa hai koii shab-e-Gam guzaar ke

viiraa.N hai maikadaa Khum-o-saaGar udaas hai
tum kyaa gaye ke ruuTh gaye din bahaar ke

ik fursat-e-gunaah milii, wo bhii chaar din
dekhe hai.n ham ne hausale parvar-digaar ke

duniyaa ne terii yaad se begaanaa kar diyaa
tujh se bhii dil fareb hai.n Gam rozagaar ke

bhuule se muskuraa to diye the wo aaj 'Faiz'
mat puuchh val-vale dil-e-naa-kardaakaar ke

dil me.n ab yuu.N tere bhuule huye Gam aate hai.n


dil me.n ab yuu.N tere bhuule huye Gam aate hai.n
jaise bichha.De huye kaabe me.n sanam aate hai.n

ik ik kar ke huye jaate hai.n taare raushan
merii manzil kii taraf tere qadam aate hai.n

raqs-e-may tez karo, saaz kii lay tez karo
suu-e-maiKhaanaa safiiraan-e-haram aate hai.n

kuchh hamii.n ko nahii.n ehasaan uThaane kaa dimaag
vo to jab aate hai.n maa_il-ba-karam aate hai.n

aur kuchh der na guzare shab-e-furqat se kaho
dil bhii kam dukhataa hai vo yaad bhii kam aate hai.n

dil-e-man musaafir-e-man

mere dil mere musaafir
huaa phir se hukm saadir
ke vatan badar ho.n ham tum
de.n galii galii sadaaye.N
kare.n ruKh nagar nagar kaa
ke suraaG koii paaye.N
kisii yaar-e-naamaabar kaa
har ek ajanabii se puuchhe.n
jo pataa thaa apane ghar kaa
sar-e-kuu-e-naashanaayaa.N
hame.n din se raat karanaa
kabhii is se baat karanaa
kabhii us se baat karanaa
tumhe.n kyaa kahuu.N ke kyaa hai
shab-e-Gam burii balaa hai
hame.n ye bhii thaa Ganimat
jo koii shumaar hotaa
hame.n kyaa buraa thaa maranaa
agar ek baar hotaa

chashm-e-mayaguu.N zaraa idhar kar de

chashm-e-mayaguu.N zaraa idhar kar de
dast-e-kudarat ko be-asar kar de

tez hai aaj dard-e-dil saaqii
talKhi-e-may ko tez-tar kar de

josh-e-vahashat hai tishnaakaam abhii
chaak-e-daaman ko taazagaar kar de

merii qismat se khelane vaale
mujh ko qismat se beKhabar kar de

luT rahii hai merii mataa-e-niyaaz
kaash! vo is taraf nazar kar de

'Faiz' takmiil-e-aarazuu maaluum
ho sake to yuu.N hii basar kar de

Cha.nd Roz Aur



cha.nd roz aur merii jaan faqat cha.nd hii roz
zulm kii chhaa.Nv me.n dam lene par majabuur hai.n ham
ik zaraa aur sitam sah le.n ta.Dap le.n ro le.n
apane ajdaad kii miiraas hai maazuur hai.n ham



jism par qaid hai jazbaat pe za.njiire hai
fikr mahabuus hai guftaar pe taaziire.n hai.n
aur apanii himmat hai ki ham phir bhii jiye jaate hai.n
zindagii kyaa kisii muflis kii qabaa hai
jis me.n har gha.Dii dard ke paiba.nd lage jaate hai.n



lekin ab zulm kii miyaad ke din tho.De hai.n
ik zaraa sabr ki fariyaad ke tho.De hai.n



arsaa-e-dahar kii jhulasii hu_ii viiraanii me.n

chaa.Nd nikale kisii jaanib terii zebaa_ii kaa



chaa.Nd nikale kisii jaanib terii zebaa_ii kaa
rang badale kisii suurat shab-e-tanhaa_ii kaa

daulat-e-lab se phir ai Khusrav-e-shirii.n-dahan
aaj rizaa ho ko_ii harf shanaasaa_ii kaa


diidaa-o-dil ko sambhaalo ki sar-e-shaam-e-firaaq
saaz-o-saamaan baham pahu.Nchaa hai rusvaa_ii kaa

bahut milaa na milaa zindagii se Gam kyaa hai


bahut milaa na milaa zindagii se Gam kyaa hai
mataa-e-dard baham hai to besh-o-kam kyaa hai

ham ek umr se vaaqif hai.n ab na samajhaao
ke lutf kyaa hai mere meharabaa.N sitam kyaa hai

kare na jag me.n alaav to sher kis maqasad
kare na shahar me.n jal-thal to chashm-e-nam kyaa hai

ajal ke haath ko_ii aa rahaa hai paravaanaa
na jaane aaj kii feharist me.n raqam kyaa hai

sajaao bazm Gazal gaao jaam taazaa karo
bahut sahii Gam-e-getii sharaab kam kyaa hai

lihaaz me.n ko_ii kuchh duur saath chalataa hai
vagarnaa dahar me.n ab Khizr kaa bharam kyaa hai

bahaar aa_ii



bahaar aa_ii to jaise ek baar
lauT aaye hai.n phir adam se
vo Khvaab saare, shabaab saare
jo tere ho.nTho.n pe mar miTe the
jo miT ke har baar phir jiiye the
nikhar gaye hai.n gulaab saare
jo terii yaado.n se mushk_buu hai.n
jo tere ushshaaq kaa lahuu hai.n

ubal pa.De hai.n azaab saare
malaal-e-ahavaal-e-dostaa.N bhii
Khumaar-e-aaGosh-e-mahavashaa.N bhii
Gubaar-e-Khaatir ke baab saare
tere hamaare
savaal saare, javaab saare
bahaar aa_ii to khul gaye hai.n
naye sire se hisaab saare

ab vahii harf-e-junuu.N sab kii zubaa.N Thaharii hai


ab vahii harf-e-junuu.N sab kii zubaa.N Thaharii hai
jo bhii chal nikalii hai vo baat kahaa.N Thaharii hai



aaj tak shaiKh ke ikaraam me.n jo shay thii haraam
ab vahii dushman-e-dii.n raahat-e-jaa.N Thaharii hai



hai Khabar garm ke phirataa hai gurezaa.N naaseh
guftaguu aaj sar-e-kuu-e-butaa.N Thaharii hai


hai vahii aariz-e-lailaa vahii shiirian kaa dahan
nigaah-e-shauq gha.Dii bhar ko yahaa.N Thaharii hai



vasl kii shab thii to kis darjaa subak guzarii hai
hijr kii shab hai to kyaa saKht garaa.N guzarii hai



bikharii ek baar to haath aa_ii kab mauj-e-shamiim
dil se nikalii hai to kab lab pe fuGaa.N Thaharii hai



dast-e-sayyaad bhii aajiz hai kaf-e-gulchii.n bhii
buu-e-gul Thaharii na bul-bul kii zabaa.N Thaharii hai



aate aate yuu.N hii dam bhar ko rukii hogii bahaar
jaate jaate yuu.N hii pal bhar ko Khizaa.N Thaharii hai



ham ne jo tarz-e-fuGaa.N kii hai qafas me.n ijaad
"Faiz" gulashan me.n vo tarz-e-bayaa.N Thaharii hai

aaye kuchh abr kuchh sharaab aaye aaye



kuchh abr kuchh sharaab aaye
us ke baad aaye jo azaab aaye



baam-e-miinaa se maahataab utare
dast-e-saaqii me.n aaftaab aaye

har rag-e-Khuu.N me.n phir charaaGaa.N ho
saamane phir wo benaqaab aaye

umr ke har waraq pe dil ko nazar
terii meher-o-wafaa ke baab aaye

kar rahaa thaa Gam-e-jahaa.N kaa hisaab
aaj tum yaad behisaab aaye

na gaii tere Gam kii saradaarii
dil me.n yuu.n roz inqalaab aaye

jal uThe bazm-e-Gair ke dar-o-baam
jab bhii ham Khaanamaa.N_Kharaab aaye

is tarah apanii Khamashii guu.Njii
goyaa har simt se jawaab aaye

'Faiz' thii raah sar basar ma.nzil
ham jahaa.N pahu.Nche kaamayaab aaye

zikr-e-shab-e-firaaq se vahashat use bhii thii



zikr-e-shab-e-firaaq se vahashat use bhii thii
merii tarah kisii se muhabbat use bhii thii


mujh ko bhii shauq thaa naye cheharo.n kii diid kaa
rastaa badal ke chalane kii aadat use bhii thii

us raat der tak vo rahaa mahv-e-guftaguu
masruuf mai.n bhii kam thaa faraaGat use bhii thii


sunataa thaa vo bhii sab se puraanii kahaaniyaa.N
taazaa rafaaqato.n kii zaruurat use bhii thii


mujh se bichha.D ke shahar me.n ghul mil gayaa vo shaKhs
haalaa.Nke shahar bhar se raqabat use bhii thii



vo mujh se ba.Dh ke zabt kaa aadii thaa jii gayaa
varnaa har ek saa.Ns qayaamat use bhii thii

 

ret par likh ke meraa naam miTaayaa na karo



ret par likh ke meraa naam miTaayaa na karo
aa.Nkhe.n sach bolatii hai.n pyaar chupaayaa na karo

log har baat kaa afsaana banaa lete hai.n
sab ko haalaat kii rudaad sunaayaa na karo



ye zaruurii nahii.n har shaKhs masiihaa hii ho
pyaar ke zaKhm amaanat hai.n dikhaayaa na karo

shahar-e-ehasaas me.n pattharaav bahut hai.n 'Mohsin'
dil ko shiishe ke jharo.nkho.n me.n sajaayaa na karo

jab se us ne shahar ko chho.Daa har rastaa sun_saan huaa



jab se us ne shahar ko chho.Daa har rastaa sun_saan huaa
apanaa kyaa hai saare shahar kaa ik jaisaa nukasaan huaa

mere haal pe hairat kaisii dard ke tanhaa mausam me.n
patthar bhii ro pa.Date hai.n i.nsaan to phir i.nsaan huaa

us ke zaKhm chhupaa kar rakhiye Khud us shaKhs kii nazaro.n se
us se kaisaa shikavaa kiije vo to abhii naadaan huaa

yuu.N bhii kam aamez thaa "Mohsin" vo is shahar ke logo.n me.n
lekin mere saamane aakar aur hii kuchh a.njaam huaa

itanii muddat baad mile ho



itanii muddat baad mile ho
kin socho.n me.n gum rahate ho

tez havaa ne mujh se puuchhaa
ret pe kyaa likhate rahate ho

kaun sii baat hai tum me.n aisii
itane achchhe kyo.n lagate ho

ham se na puuchho hijr ke qisse
apanii kaho ab tum kaise ho

hamaaraa kyaa hai



hamaaraa kyaa hai ke ham to chiraaG-e-shab kii tarah
agar jale bhii to bas itanii raushanii hogii
ke jaise tund andhero.n kii raah me.n juganuu
zaraa sii der ko chamake chamak ke kho jaaye
phir is ke baad kisii ko na kuchh sujhaa_ii de
na shab kaTe na suraaG-e-sahar dikhaa_ii de
hamaaraa kyaa hai ke ham to pas-e-Gubaar-e-safar
agar chale bhii to bas itanii raah tay hogii
ke tez havaao.n kii zard maa_il naqsh-e-qadam
zaraa sii der ko ubhare ubhar ke mit jaaye
phir us ke baad na raastaa na rah_guzar mile
hadd-e-nigaah talak dasht-e-bekinar mile
hamaarii simt na dekho ke ko_ii der me.n ham
qabiilaa-e-dil-o-jaan judaa hone vaale hai.n
base basaaye huye shahar apanii aa.Nkho.n ke
misal-e-khaanaa-e-viiraan uja.Dane vaale hai.n
havaa kaa shor ye hii hai to dekhate rahanaa
hamaarii umar ke Kheme.n ukha.Dane vaale hai.n

bichha.D ke mujh se kabhii tuu ne ye bhii sochaa hai

bichha.D ke mujh se kabhii tuu ne ye bhii sochaa hai
adhuuraa chaa.Nd bhii kitanaa udaas lagataa hai

ye vasl kaa lamhaa hai ise raayegaa.N na samajh
ke is ke baad vahii duuriyo.n kaa saharaa hai




kuchh aur der na jha.Dataa udaasiyo.n kaa shajar
kise Khabar tere saaye me.n kaun baiThaa hai



ye rakh-rakhaao muhabbat sikhaa ga_ii us ko
vo ruuTh kar bhii mujhe muskuraa ke milataa hai



mai.n kis tarah tujhe dekhuu.N nazar jhijhakatii hai
teraa badan hai ke ye aa_iino.n kaa dariyaa hai

abhii kyaa kahe.n abhii kyaa sunaaye.n

abhii kyaa kahe.n abhii kyaa sunaaye.n
ke sar-e-fasiil-e-sukuut-e-jaa.N
kuf-e-roz-o-shab pe sharar numaa
vo jo harf jarf charaaG thaa
use kis havaa ne bujhaa diyaa

kabhii lab hile.nge to puuchhanaa

sar-e-sahar-e-ahad-e-visaal-e-dil
vo jo nikahato.n kaa hujuum thaa
use dast-e-mauj-e-firaaq ne
tah-e-Khaak kab se milaa diyaa

kabhii gul khile.nge to puuchhanaa

abhii kyaa kahe.n abhii kyaa sunaaye.N
yuu.N hii Khvaahisho.n ke fishaar me.n
kabhii be-sabab kabhii beKhalal
kahaa.N kaun kis se bichha.D gayaa
kise kis ne kaise ga.Nvaa diyaa

kabhii phir mile.nge to puuchhanaa

chalate ho to chaman ko chaliye

chalate ho to chaman ko chaliye
kahatae hai.n ki bahaaraa.N hai
paat hare hai.n phuul khile hai.n
kam kam baad-o-baaraa.N hai
aage maiKhaane ko nikalo
ahad-e-baadaa guzaaraa.N hai
lohu-paanii ek kare ye
ishq-e-laalaa_azaaraa.N hai
ishq me.n hamako "Mee" nihaayat
paas-e-izzat-daataa.N hai

dam-e-subah bazm-e-Khush jahaa.N shab-e-Gam se kam na thii meharabaa.N

dam-e-subah bazm-e-Khush jahaa.N shab-e-Gam se kam na thii meharabaa.N
ki chiraaG thaa so to duud thaa jo pata.ng thaa so Gubaar thaa


dil-e-Khastaa jo lahuu ho gayaa to bhalaa huaa ki kahaa.N talak
kabhii soz-e-siinaa se daaG thaa kabhuu dard-o-Gam se fiGaar thaa


dil-e-muzatarib se guzar gaii shab-e-wasl apanii hii fikr me.n
na dimaaG thaa na faraaG thaa na shakeb thaa na qaraar thaa

ye tumhaarii in dino.n dostaa.N mizhGaa.N jis ke Gam me.n hai Khuu.N-chakaa.N
wahii aafat-e-dil-e-aashiqaa.N kisu waqt hamase bhii yaar thaa


kabhuu jaayegii udhar sabaa to ye kahiyo us se ki bewafaa
magar ek "Meer"-e-shikastaa-paa tere baaG-e-taazaa me.n Khaar thaa

dekh to dil ki jaa.N se uThataa hai

dekh to dil ki jaa.N se uThataa hai
ye dhuaa.N saa kahaa.N se uThataa hai
gor kis dil-jale kii hai ye falak
sholaa ik subah yaa.N se uThataa hai

Khaana-e-dil se zi.nhaar na jaa
koii aise makaa.N se uThataa hai
naalaa sar khe.nchataa hai jab meraa
shor ek aasmaa.N se uThataa hai
la.Datii hai us kii chashm-e-shoKh jahaa.N
ek aashob waa.N se uThataa hai
sudh le ghar kii bhii shola-e-aawaaz
duud kuchh aashiyaa.N se uThataa hai
baiThane kaun de hai phir us ko
jo tere aastaa.N se uThataa hai
yuu.N uThe aah us galii se ham
jaise koii jahaa.N se uThataa hai
ishq ik 'Meer' bhaarii paththar hai
bojh kab naatavaa.N se uThataa hai

dil-e-pur_Khuu.N kii ik gulaabii se

dil-e-pur_Khuu.N kii ik gulaabii se
umr bhar ham rahe sharaabii se

dil dahal jaaye hai sahar se aah
raat guzaregii kis Kharaabii se

[dil dahalanaa = to dread/fear; sahar = morning]

khilanaa kam kam kalii ne siikhaa hai
us kii aa.Nkho.n kii niim_Khvaabii se

[niim_Khvaabii = half open (drowsy)]

kaam the ishq me.n bahut se 'Meer'
ham hii faariG hue shitaabii se

[faariG = rid of/free]

baat kyaa aadamii kii ban aaii

baat kyaa aadamii kii ban aaii
aasmaa.N se zamiin napavaaii
charakh zan usake vaaste hai madaam
ho gayaa din tamaam raat aaii
maah-o-Khurshiid-o-baad sabhii
usakii Khaatir hue hai.n saudaaii
kaise kaise kiye taraddad jab
rang rang usako chiiz pahu.Nchaaii
usako tarajah sab ke upar de
lutf-e-Haq ne kii izzat afazaaii
hairat aatii hai usakii baate.n dekh
Khud saarii Khud sataaii Khud raaii
shukr ke sajdo.n me.n ye vaajib thaa
ye bhii karataa sajdaa jabii.n saaii
so to usakii tabiiyat-e-sarkash
sar na laaii faro ke tuk laaii
'Meer' naa chiiz musht-e-Khaak Allaah
un ne ye kibariyaa kahaa.N paaii

be-Khudii le gaii kahaa.N ham ko

be-Khudii le gaii kahaa.N ham ko
der se intazaar hai apanaa
rote phirate hai.n saarii-saarii raat
ab yahii rozagaar hai apanaa
de ke dil ham jo ho gae majabuur
is me.n kyaa iKhtiyaar hai apanaa
kuchh nahii.n ham misaal-e-anqaa lek
shahar-shahar ishtahaar hai apanaa
[misaal-e-anqaa=rare/unobtainable]
jis ko tum aasmaan kahate ho
so dilo.n kaa Gubaar hai apanaa

ba-rang-e-buu-e-gul, is baaG ke ham aashnaa hote

ba-rang-e-buu-e-gul, is baaG ke ham aashnaa hote
ki ham-raah-e-sabaa Tuk sair karate, aur havaa hote
[ba-rang-e-buu-e-gul=with a flower's smell and colours]
saraapaa aarazuu hone ne ba.ndaa kar diyaa hamako
vagaranaa ham Khudaa the, gar dil-e-bemudda_aa hote
[saraapaa=from head to toe; dil-e-bemudda_aa=a heart without desire]
falak, ai kaash! hamako Khaak hii rakhataa, ki us me.n ham
Gubaar-e-raah hote yaa kisii kii Khaak-e-paa hote
[Gubaar-e-raah=dust from the road; Khaak-e-paa=dust from the feet]
ilaahii kaise hote hai.n ji.nhe.n hai ba.ndagii Khvaahish
hame.n to sharm daaman-gaar hotii hai, Khudaa hote
[sharm daaman-gaar=to feel ashamed]
kahe.n jo kuchh malaamatagaar, bajaa hai 'Meer' kyaa jaane
u.nhe.n maaluum tab hotaa, ki vaise se judaa hote

baarahaa gor dil jhukaa laayaa

baarahaa gor dil jhukaa laayaa
ab ke shart-e-wafaa bajaa laayaa
qadar rakhatii na thii mitaa-e-dil
saare aalam ko mai.n dikhaa laayaa
dil ke yak qataraa-e-Khuun nahii.n hai besh
ek aalam ke sar balaa laayaa
sab pe jis baar ne giraanii kii
usako ye naatavaa.N uThaa laayaa
dil mujhe us galii me.n le jaa kar
aur bhii Khaak me.n milaa laayaa
ab to jaate hai.n butakade ae 'Meer'
phir mile.nge agar Khudaa laayaa

ashk aa.Nkho.n me.n kab nahii.n aataa

ashk aa.Nkho.n me.n kab nahii.n aataa
lahuu aataa hai jab nahii.n aataa
hosh jaataa nahii.n rahaa lekin
jab vo aataa hai tab nahii.n aataa
dil se ruKhasat huii koii Khvaahish
giriyaa kuchh be-sabab nahii.n aata
ishq kaa hausalaa hai shart varnaa
baat kaa kis ko dhab nahii.n aataa
jii me.n kyaa-kyaa hai apane ae hamdam
har suKhan taa ba-lab nahii.n aataa

ab jo ik hasrat-e-javaanii hai

ab jo ik hasrat-e-javaanii hai
umr-e-raftaa kii ye nishaanii hai
(This yearning for youth that I now have
is but a relic/sign of my past life/bygone time)
Khaak thii maujazan jahaa.N me.n, aur
ham ko dhokaa ye thaa ke paanii hai
(The world raised waves of dust/ashes
and I took it to be a ocean)
giriyaa har vaqt kaa nahii.n behech
dil me.n ko_ii Gam-e-nihaanii hai
(My weeping is not without reason
there must be some grief hidden in my heart)
ham qafas zaad qaidii hai.n varanaa
taa chaman parafashaanii hai
(We are prisoners who are fond of our cages
For the garden is but a wing's beat away)
yaa.N huye 'Meer' ham baraabar-e-Khaak
vaa.N vahii naaz-o-sargiraanii hai
(Here, Meer, we lower ourselves to the very dust
There, pride still reigns supreme)

aarazuue.n hazaar rakhate hai.n

aarazuue.n hazaar rakhate hai.n
to bhii ham dil ko maar rakhate hai.n
barq kam hausalaa hai ham bhii to
dil ek beqaraar rakhate hai.n
Gair hai muuraad-e-inaayat haa_e
ham bhii to tum se pyaar rakhate hai.n
na nigaah na payaam na vaadaa
naam ko ham bhii yaar rakhate hai.n
ham se Khush zam-zamaa kahaa.N yuu.N to
lab-o-lahajaa hazaar rakhate hai.n
chhoTe dil ke hai.n butaa.N mashhuur
bas yahii aitabaar rakhate hai.n
phir bhii karate hai.n "Meer" saahib ishq
hai.n javaa.N iKhtiyaar rakhate hai.n

aa jaaye.n ham nazar jo koii dam bahut hai yaa.N

aa jaaye.n ham nazar jo koii dam bahut hai yaa.N
mohalat basaa.N-e-barq-o-sharaar kam bahut hai yaa.N
yak lahazaa siinaa kobii se furasat hame.n nahii.n
yaani ki dil ke jaane kaa maatam bahut hai yaa.N
ham raharavaa.N-e-raah-e-fanaa der rah chuke
vaqfaa basaa.N-e-sub_h koii dam bahut hai yaa.N
haasil hai kyaa sivaaye tarai ke dahar me.n
uTh aasmaa.N tale se ke shabanam bahut hai yaa.N
is butakade me.n maanii kaa kis se kare.n savaal
aadam nahii.n suurat-e-adam bahur hai yaa.N
ajaaz-e-isavii se nahii.n bahas ishq me.n
terii hii baat jaan-e-mujassim bahut hai yaa.N
mere hilaak karane kaa Gam hai abas tumhe.n
tum shaad zi.ndagaanii karo Gam bahut hai yaa.N
shaayad ke kaam sub_h tak apanaa khi.nche na 'Meer'
ahavaal aaj shaam se daraham bahut hai yaa.N

aa.Nkho.n me.n jii meraa hai idhar yaar dekhanaa

aa.Nkho.n me.n jii meraa hai idhar yaar dekhanaa
aashiq kaa apane aaKharii diidaar dekhanaa
kaisaa chaman ke ham se asiiro.n ko manaa hai
chaak-e-qafas se baaG kii diivaar dekhanaa
aa.Nkhe.n churaaiio na Tuk abr-e-bahaar se
merii taraf bhii diidah-e-Khuu.N_baar dekhanaa
ae ham-safar na aable ko pahu.Nche chashm-e-tar
lagaa hai mere paao.n me.n aa Khaar dekhanaa
honaa na chaar chashm dik uss zulm-paishaah se
hoshiyaar ziinhaar Khabardaar dekhanaa
sayyad dil hai daaG-e-judaaii se rashk-e-baaG
tujh ko bhii ho nasiib ye gulazaar dekhanaa
gar zam_zamaa yahii hai koii din to ham-safiir
is fasl hii me.n ham ko giriftaar dekhanaa
bul-bul hamaare gul pe na gustaaKh kar nazar
ho jaayegaa gale kaa kahii.n haar dekhanaa
shaayad hamaarii Khaak se kuchh ho bhii ae nasiim
Girbaal kar ke kuuchaa-e-dildaar dekhanaa
                                            us Khush-nigaah ke ishq se parahez kiijio 'Meer'
                                          jaataa hai leke jii hii ye aazaar dekhanaa

Thursday, 19 January 2012

Apni Haseen Ankhon Me Chupa Lo Mjh Ko

Apni Haseen Ankhon Me Chupa Lo Mjh Ko
Mohabat Agr Krty Ho To Chura LoMjh Ko

cute girl
Khony Ka Agr Khaof Hy To
Dil Ki Hr Dharkan Me Basa Lo Mjh Ko

Dhoop Ho Ya Sehra Ho Tere Sath Chalain Gy
Yaqeen Na Aaye To Aazma Lo MjhKo

Tere Dukh Ko Seh Lain Gy Hans Kr
Apny Badan Ki Chadar Bna LO Mjh Ko

Sahil Se Pehle Chor To Na Do Gy
Abhi Aghaaz-e-Safar Me Bta Do Mjh Ko

Zindgi B Tere Nam Kr Dain Gy
Apny Bazoan Mein Chupa Lo Mjh Ko

Wednesday, 18 January 2012

Urdu Poetry Queen Parveen Shakir

parveen shakir
1
Dast basta shehr main kholay meri zanjeer
koun
Paa baa gul sab hain rehaayee ki karey tadbeer koun
Mera sar haazir
hay lekin mera munsif dekh lay
Kar raha hay meri fard0e0jurm ko tehreer
koun

Meri chaadar toh chinni thee shaam ki tanhaayee main
Be-riddayii
ko meri phir dey gaya tash-heer koun

Neend jub kawbon sey pyari ho toh
aisey ehd main
Khawb dekhay koun aur khawbon ki dey taabeer koun

Rait
abhi pichlay gharondon sey na wapis ayee thee
Phir lab-e-saaahil gharonda kar
gaya taameer koun

Dushmano kay sath merey dost bhi azaad hain
Dekhna
hay kheenchta hay mujh pay pehla teer
koun

2

hamare darmiyan aisa koi rishta nahin tha
tere shanon pe koi chat nahin thi

mere zimme koi angan nahin tha
koi wada teri zanjir-e-pa banane nahin paya

kisi iqrar ne meri kalai ko nahin thama
hawa-e-dasht ki manind
tu azad tha
raste teri marzi k tabe the
mujhe bhi apni tanhai pe
dekha jaye to
pura tasarruf tha

magar jab aj tu ne
rasta badla
to kuch aisa laga mujh ko
k jaise tu ne mujh se bewafai ki
3
harf e taaza naii khushboo mein likha chahta hai
baab ik aur mohabbat ka khula chahta hai

aik lamhay ki tawajoo nahi hasil uss ki
aur yeh dil keh ussay hud say siwa chahta hai

ik hijaab teh e iqrar hai ma'nay manay warna
gul ko maloom hai kaya dast e saba chahta hai
rait he rait hai iss dil mein musafir mairay
aur yeah sehra taira naqash e qaf e pa chahta hai

yehe khamooshi kai rung mein zahir ho gi
aur kuch roz keh woh shokh khula chahta hai

raat ko maan liya dil nay muqadar laykin
raat kay haath pay aab koi diya chahta hai

tairay paymanay mein gardish nahi baqi saqi
aur tairi bezam say aab koi utha chahta hai
 4
chehra mera tha nigahen us ki
khamushi main bhi wo baten us ki
mere chehre pe gazal likhti gain
sher kahti hui ankhen us ki
shokh lamhon ka pata dene lagin
tez hoti hui sansen us ki
aise mausam bhi guzare ham ne
subhen jab apni thin shamain us ki
dhyan main us k ye alam tha kabhi
ankh mahtab ki yaden us ki
faisala mauj-e-hawa ne likkha
andhiyan meri baharen us ki
nind is soch se tuti aksar
kis tarah katati hain raten us ki
dur rah kar bhi sada rahti hai
mujh ko thame hue bahen us ki
 5
teri khushbu ka pata karti hai
mujh pe ehsan hawa karti hai
shab ki tanhai main ab to aksar
guftagu tujh se raha karti hai
dil ko us rah pe chalna hi nahin
jo mujhe tujh se juda karti hai
zindagi meri thi lekin ab to
tere kahne main raha karti hai
us ne dekha hi nahin warna ye ankh
dil ka ehwal kaha karti hai
beniyaz-e-kaf-e-dariya angusht
ret par nam likha karti hai
 6
ku-ba-ku phail gai bat shanasai ki
us ne khushbu ki tarah meri pazirai ki
kaise kah dun k mujhe chor diya hai us ne
bat to sach hai magar bat hai ruswai ki
wo kahin bhi gaya lauta to mere pas aya
bas yahi bat hai achi mere harjai ki
tera pahlu tere dil ki tarah abad rahe
tujh pe guzre na qayamat shab-e-tanhai ki
us ne jalti hui peshani pe jo hath rakha
ruh tak a gai tasir masihai ki
 7
Ajib tarz-e-mulaqat ab k bar rahi
tumhin the badle hue ya meri nigahen thin
tumhari nazron se lagta tha jaise meri bajaye
tumhare ghar main koi aur shakhs aya hai
tumhare ohad ki denen tumhen mubarak
so tum ne mera swagat usi tarah se kiya
jo afsaran-e-hukumat k aitaqad main hai
takallufan mere nazdik a k baith gaye
phir ehtamam se mausam ka zikr cher diya
kuch us k bad siyasat ki bat bhi nikli
adab par bhi koi do char tabsare faramaye
magar na tum ne hamesha ki tarah ye pucha
kya waqt kaisa guzarta hai tera jan-e-hayat
pahar din ki aziyat main kitni shiddat hai
ujar rat ki tanhai kya qayamat hai
shabon ki sust rawi ka tujhe bhi shikwa hai
gam-e-firaq k qisse nishat-e-wasl ka zikr
rawayatan hi sahi koi bat to karte

 7
Tujh se koi gilla nahin hai
Qismat main meri silla nahin nahi

Bichar ke to na-janey kia haal ho
Jo shakhs abhi milla nahi hai

Jeeney ki to aarzu hi kab thi
Marney ka bhi hosla nahin hai

Jo zeest ko mu-tabir bana dey
Aesa koi silsila nahin hai

Khushboo ka hisaab ho chuka
Aur phool abhi khilla nahi hai

Sershaari-e-rehbari main dekha
Peechy mera qafilla nahin hai

Ek thais pe dil ka phoot behna
Chooney mein to aabla nahi hai
 8
wo to khushbu hai hawaon main bikhar jayega
masla phul ka hai phul kidhar jayega

ham to samjhe the k ek zakhm hai bhar jayega
kya khabar thi k rag-e-jan main utar jayega

wo hawaon ki tarah khanabajan phirta hai
ek jhonka hai jo ayega guzar jayega

wo jab ayega to phir us ki rafaqat k liye
mausam-e-gul mere angan main thahar jayega

akhir wo bhi kahin ret pe baithi hogi
tera ye pyar bhi dariya hai utar jayega
9 
Khushbuu hai vo to chhuu ke badan ko guzar na jaaye
jab tak mere wajuud ke andar utar na jaaye
Khud phuul ne bhii honth kiye apane niim-vaa
chorii tamaam rang kii titalii ke sar na jaaye
is Khauf se vo saath nibhaane ke haq mein hai
khokar mujhe ye ladakii kahiin dukh se mar na jaaye
palkon ko us kii apane dupatte se ponch duun
kal ke safar mein aaj kii gard-e-safar na jaaye
main kis ke haath bhejuun use aaj kii duaa
qaasid havaa sitaaraa koii us ke ghar na jaaye
 badban khulne se pahle ka ishara dekhna
main samandar dekhti hun tum kinara dekhna
yun bicharna bhi bahut asan na tha us se magar
jate jate us ka wo mur k dubara dekhna
kis shabahat ko liye aya hai darwaze pe chand
ai shab-e-hijran zara apna sitara dekhna
aine ki ankh hi kuch kam na thi mere liye
jane ab kya kya dikhayega tumhara dekhna
10

isi main khush hun mera dukh koi to sahta hai
chali chalun ki jahan tak ye sath rahta hai
zamin-e-dil yun hi shadab to nahin ai dost
qarib main koi dariya zarur bahta hai
na jane kaun sa fiqra kahan raqm ho jaye
dilon ka hal bhi ab kaun kis se kahta hai
mere badan ko nami kha gai ashkon ki
bhari bahar main jaise makan dahta hai

Tuesday, 17 January 2012

aey rahat e jaan mujh ko rulanay k liay aa

Ab tak dil e khush fehm ko hain tujh se umidain,
ye akhri shammain bhi bhujanay k liay aa,
kusch to meray pindar e muhabbat ka bharam rakh,
tu bhi to kabhi mujh ko mananay k liay aa,
Pehlay se marasim na sahi phir bhi kabhi tow,
rasm o rah e dunia hi nibhanay k liay aa,
kis kis ko batain gy judai ka sabab ham,
tu mujh se khafa ha to zamanay k liay aa,
maana k muhabbat ka jatana ha muhabbat,
chupkay se kisi roz jatanay k liay aa,
ik umr se hun lazzat e girya se bhi mehroom,
aey rahat e jaan mujh ko rulanay k liay aa….

Wednesday, 11 January 2012

Poetry Of True Love

wo kehti hai suno jana muhabat moom ka ghar hai
tapashi bad gumani ki kahin pighla na dy isko
main kehta ho k jis dil main zara b bad gumani ho
waha kuch or ho tu ho muhabat ho nahi sakti
wo kehti hai sada esy hi kia tm muj ko chaho gy
k mein is main kami bilkul gwara kr nai sktyi
main kehta hon muhabat kia hai yeh tum ny sikhaya hai
mujhe tum sy muhabat k siwa kuch b nahi aata
wo kehti hai judai sy buht drta hai mera dil
k khud tm sy hat kr dekhna mumkin nahi hai ab
main kehta hon yahi khadshy bht mujh ko staty hain
magr sach hai mhbt main sath chlti hai
wo kethi hai btao kia mery bin g sko gy tm
meri batain meri yadein mari ankhein bhual do gy
main kehta hon kabi is bat pr socha nahi main ny
agr ik pal ko b soochon tu saansain rukny lgti hain
wo kahti hai tumeh mujhh sy muhabt is qadar kyo hai
k main ik aam se larki tmeh kyo khas lgti hon
main kehta hon kabi khud ko meri ankho sy tm dekho
meri deewngi kyo hai ya kud hi jan jao gi
wo kehti hai mujy waraftagi sy dekhty kyo ho
k main khud ko buhat he qeemti mehsoos karti hon
mai kehta hon matayey jan buhat anmol hoti hai
tumeh jab dekhta hon zindagi mehsoos karta hon
wo kehti hai mujhe alfaz k jugno nahi milty
tumeh batla sakon dil mein mery kitni muhabat hai
main kehta hon muhabat tu nigahon sy jhalakti hai
tumhari khamoshi mujh sy tmhari bat krti hai
wo kehti hai btao na kisy khony sy drty ho
btao kon hai wo jis ko yeh moosam bulaty hain
main kehta hon yeh meri shayeri hai ayina dil ka
zara dekho btao kia tumeh is main nazar aya
wo kehti hai k atif je buhat batain bnaty ho
magr sach hai k yeh batain buhat he shaad rkhti hain
main kehta hon yeh sb batain fasany ik bahana hai
k pal kuch zindgani k tumhary sath kat jayein
phir us k bad khamoshi ka dilkash raqs hota hai
nigahain bolti hain or lab khamosh rehty hain

The END................

ek shaks ko chaha tha sitaroon ki treh hamny

Ek shakhs ko deakha tha
Taron ki tarha Hamney

Ek shaks ko chaaha tha
Apnon ki tarha Hamney

Ek shaks ko samjha tha
Phoolon ki tarhaa Hamney

Wo shaks qayamat tha
Kya uski karein Batain

Din us ky liye Paida
Aur uski he thi Ratain

Kab milta kisi se tha
Ham se thi mulaqatain

Rang uska Shahaabi tha
Zulfon mein thi Mehkarein

Aankhain thi ke jaadu tha
Palkain thi k talwarain

Dushman bi agar dekhein
so jaan se dil Harain

Kuch tum se wo milta tha
Baton mein shahaabat thi

Han tum sa hi lagtaa tha
Shokhi mein sharaarat main

Lagta bhi tumhe sa tha
Dastur-e-mohabbat main

Wo shaks hamain aik din

Apnon ki tarhaa Bhoolla
Taron ki tarha doobba
Phoolon ki tarha tootta

Phir haath na aaya woh
Hamney bohat dhoondha

Tum kis liye chonkey hom
Kab zikar tumhar hai
Kab tum se takaaza hai
Kab tum se shikaayat hai

Ikk taaza Hikayat hai
Sun lo tou inayat hai

Ek shaks ko chaaha tha
Apnon ki tarha Hamney.

Tuesday, 10 January 2012

jazb-e-kaamil ko asar apanaa dikhaa denaa thaa

sad urdu poetry

jazb-e-kaamil ko asar apanaa dikhaa denaa thaa 
mere pahaluu me.n u.nhe.n laa ke biThaa denaa thaa 

kuchh to denaa thaa tere taGaaful kaa javaab 
yaa Khudaa ban ke tujhe dil se bhulaa denaa thaa 

tair-e-jaa.N ke sivaa kisako banaate qaasid 
us sitamgar ko paiGaam-e-qazaa denaa thaa 

dard mohataaj-e-davaa ho ye sitam hai yaa rab 
jab diyaa thaa to kuchh is se bhii savaa denaa thaa 

vo jo biga.De to Khafaa tum bhii hue kyo.n Hasrat 
paa-e-nakhuvat pe sar-e-shauq jhukaa denaa thaa 

Monday, 9 January 2012

husan waloon ko dekh kar sagar

Nash-e Gham Zaroor Rehta Hai
Meri Ankhon Mein Noor Rehta Hai
Husan Walon ko Dekh Kar SGAR
Bin Piye He Suroor Rehta Hai

Sunday, 8 January 2012

Wo subah ka alamnaak savera

Wo subah ka alamnaak savera
Kaise mai bhool paoon ga jaanan
Jis subah ki raat guzri thi
Ashkon ki barsat may
Ashk meray aur teray
uss saahil ki rait pe
Aaj bhi sulagti hai zameen
Aaj bhi be-karaan hokar tarpti hai mouj-e-sagar
Teray hath ka lums aaj bhi zinda hai
Meri be-muraad hatheli pe jaanan
Wo subah ka alamnaak savera
Kaise mai bhool paoon ga jaanan

Bisat-e-waqt pe tehri thi zindagi ki baazi
Na tu shikast ka khuwahan
Na mai mutamani tha ruswai ka
Phr bhi taqdeer banai tu ney hamari
Uljhi hoi muhabbt ki
Phr chahaya andehra meray ujaalon may
Tu koh gaye anjaan be-nishaan veeranon may
Mai aur meri tanhai
Ab yehi pochte hain jaanan
Wo subah ka alamnaak savera
Kaise bhool paon ga jaanan
Kaise bhool paon ga jaanan

Zara Phir Sy Kehna

Bhool chuka hoon apni daastaan zara phir se kehna.
Aai kis tarah gulshan mein khizan zara phir se kehna.
Sirnigoon hona wo ghunchon ka ab tak yaad hy.
Kiya Qissa tha khoonchikan zara phir se kehna.

Qadam kabhi iss tarah dagmagaae to na thay kabhi.
Simat kiyun raha hy jahan zara phir se kehna.

Dil jo dharakta tha mari yaad k saayon talay.
Huwa kaisay jazbon se anjaan zara phir se kehna.

Yoon to her sham ko pegham-e subah diya tu ne.
Taareek sa kiyun lagta hy samaan zara phir se kehna.

Taqdeer ki laghzish thi k nafas parasti ka janoon.
Ajnabi sa tha andaz-e biyaan zara phir se kehna.

Taray labon pe machalti hui khamosh si junmbish.
Kiyun na kahaun lafzon ka ziyan zara phir se kehna.

Muskrahaton mein jhalaktay huway ashak kiy maani.
Koi to ho ga iss mein raaz pinhaan zara phir se kehna.

Zindagi ki veeran raahon mein aaey gi bahar.
Kiya tera bhi hy ye emaan zara phir se kehna.

Armaanon ki chita jalanay se kiya haasil Zaidi.
Huwa hy aub ye raaz nihaan zara phir se kehna…